Hold varmen rundt armen

Det er travle tider i heimen, og det er ei lita stund si forrige blogginnlegg. Pulsvarmarane har vore ferdig ei vekes tid no, og allereie godt brukt. Elskar slike småplagg!

Oppskrifta var veldig grei, og desse blei unnagjort på ei helg. Eg strikka fire mønsteromgangar (framfor seks, som står i oppskrifta), og med pinnenr 3. Planen var eigentleg å strikka dei på 2,5, som er anbefalt for garnet, men eg har visst vore halvveis i strikkekoma då eg fant fram pinnane, for godt uti andre vanten såg eg at det var nr 3. Ups!

Slenger med eit bilete og tips til oppskrift av nokre pulsvarmarar eg hekla for ein god del år sidan.

Dette mønsteret er frå Drops, det same er garnet (alpakka). Mjuke og gode (og ikkje minst varme!). Hekla rundt, framfor i eitt stykke som står i oppskrifta.