Å strikke to sokkar på ein gong: Magic Loop

Ikkje lett å sjå at dette skal bli sokkar, nei... Er endo litt usikker kva eg synes om denne måten å strikke sokkar på, men må sei tanken på å bli ferdig med begge på ein gong freistar veldig. Eg har vel ikkje heilt komen inn i flyten med å strikke begge to på ein kjempelang rundpinne, og synes det er litt mykje trådar og pinnar og rundpinnebogar i omløp (litt "krongle" for å seie det på godt bygdanorsk) ;)
Men, eg skal ikkje gje meg, og er overbevist over at eg vil vera nøgd når sokkane først blir ferdig. Ser forresten at strikket blir mykje jamnare enn kva det blir når eg strikk med vanlege strømpepinnar.

Uansett, her er eit par gode lenkjer som viser metoden i praksis. Vil anbefala filmen, den hjalp meg med å forstå heile konseptet (som virka veldig avansert før eg klarte å sette meg inn i det heile).

• Nattugla sin forklaring på sokkestrikk på ein lang rundpinne
• Biletleg forklaring på korleis ein legg opp masker ved denne metoden (engelsk)
• Grei film som forklarar korleis ein i det heile tatt skal strikke rundt med ein stor rundpinne (engelsk)

Vil forresten anbefale å bruke eitt nøste om gangen om du skal strikke på denne måten (altså, brukar begge endane av nøstet). Det blei mykje å halda styr på for ein stakkar nybegynnar når eg prøvde meg med to forskjellige nøster på ein gang.

Har forresten bestilt meg garn frå Pickles! Eit kjempedeilig tjukt og luftig garn, i herleg ferskenrosa farge (min favoritt når det vårast). Skal prøve å få lagt ut bilete i morgon, nett no er det ubehageleg travelt, med oppgåveinnlevering og det som høyrer til. Irriterande kor tidkrevande denne studenttilværinga er, får jo knapt tid til å strikke jo! ;)