Strikkemagasinet

Totoro, Totoro!

2012-02-06T21:25:00.008+01:00

Kanskje nokre av dykk har fått den med seg, denne søte filmen "Min nabo Totoro"? Laga av den japanske anime-regissør Hayao Miyazaki (som forøvrig også har ein heil haug med andre søte animefilmar, og som har bursdag samme dag som meg - såkalla fun fact der altså). Wikipedia beskriv filmen slik:

Filmen er et fascinerende portrett av japansk landbyliv, og handlingen utspiller seg i løpet av en sommer. En universitetsprofessor og hans to døtre flytter inn i et gammelt hus ved skogen, som noen tror er hjemsøkt. Konen hans ligger på sykehuset for å bli frisk etter tuberkulose. Døtrene hans oppdager «sot-ånder», som de tror er «hybelkaniner».

Den ene av døtrene, Mei, oppdager en liten ånd som leder henne inn i en magisk skog der hun finner en stor skogsånd. Hun kaller den Totoro. Faren hennes forteller at ånden er skogens konge. Bare de som har et rent hjerte kan se åndene i skogen. Fire år gamle Mei bestemmer seg senere for å finne igjen skogens konge. En regnfull kveld, mens jentene venter på en buss, møter de en gigantisk Totoro som beskytter seg mot regnet med et stort blad fra et tre. Da den eldste søsteren gir Totoro paraplyen sin blir han glad. Etter dette møter jentene stadig Totoro på deres nattlige eventyr.

Det var ei av mine beste venninner som introduserte meg for denne filmen, og til bryllupet mitt gav ho meg og min mann ein heil filmpakke med filmar som Miyazaki har produsert. Difor fall det ganske naturleg at eg no skulle strikka Totoro-vottar til bursdagen hennar (som forøvrig er ein litan måned sidan, men altså - tanken tel vel like mykje sjølv om den er litt forsinka?)

Strikka i Rowan Felted Tweed og på pinne 4, så skulle vel dette være eit nokså lettstrikka prosjekt. Men, då den første votten viste seg svært misforma (ikkje veit eg kva som var feil, men må jo sei, der tommelen er lagt opp til i mønsteret sett i forhold til kor du byrjer fellinga på toppen av votten - ikkje ein gong eg har så korte nevar!). Så ein mislykka vott - ingenting anna enn å byrje på nytt. Denne gongen la eg også opp mindre masker på vrangborden, slik at den skulle bli smalare rundt handleddet, for så å auke når eg skulle byrje på sjølve hånda.

Det gjekk jo greit, og forsøk nummer to viste seg å bli vellykka (la altså tommelen litt lenger ned denne gongen). Det einaste var jo at no var motivasjonen på bunn i forhold til det å skulle byrje på ein ny (og tredje) vott. Flaks var det jo også då at eg byrja på ein til av høgre varianten, slik at eg måtte rekke opp eit par omgangar (oppdaga jo ikkje dette før eg skulle prøve vottane på kvar si hand. Det viste seg vanskeleg gitt.) Alt dette, kombinert med at det var veldig lange passéar utan mønster, slik at eg måtte stoppe opp kvar tredje maske og snurre kontrasttråden rundt hovedtråden, gjorde dette til eit langvarig prosjekt.

Men altså, skal jo ikkje vera negativ! Og tanken på mottakaren hjalp jo på motivasjonen. Håpar og trur at vottane vil falla i smak :) Dei skal sendast til Sverige i morgon den dag. Totoro, totoro!

Oppskrift: Norwegian Totoro Mittens

Pinner: 4

Garn: Rowan Felted Tweed DK, 1 nøste av kvar farge

Og, sidan desse vottane er strikka til ei som betyr mykje for meg, så sender eg dette inn som bidrag til utfordringen som handlar om nettopp det på Pinnekroken: "Lag noe til en du er glad i". Wish me luck! :)

Tipp topp! Lue med dusk

2012-02-02T21:26:00.002+01:00

Heilt sidan eg fann denne herlege dusken i alpakka hos martehelgetun.no (eg er jo eigentleg motstandar av pels, men ein dusk av alpakka må være lov?), har eg villa strikka meg ei lue som gir dusken den oppmerksomheten den "fortjener". Jaggu hadde Pickles oppskrift på nett ei sånn ei! Så Tipp topplue i finfint Londongarn, slikt er perfekt no når det er så kaldt og fint i Bergen by.

Endra litt på fletta i midten - same maskeantall som i oppskrifta, men valgte ei flette som gjer litt meir ut av seg, og som også matchar flettene i Bellas mittens, som er planlagt som matchande tilbehør til den nye lua mi (strikka jo desse i gåve til ei venninne jula 2010, og no skal eg endeleg også strikka dei til meg sjølv) :-) Flettene er strikka slik at ein tar dei tre første på hjelpepinne framfor arbeidet, strikker tre masker og strikker deretter maskene på hjelpepinnen. Tar så tre nye masker på hjelpepinne, no bak arbeidet, strikker tre masker og strikker deretter maskene på hjelpepinnen.

Så:
Oppskrift: Tipp topplue frå Pickles
Garn: Artesano Aran Alpaca Blend
Pinner: 8 (og det gjekk unna!)
Dusk i alpakka frå Marte Helgetun

Bo-bo-boblekjole til storesøster

2012-01-20T21:17:00.001+01:00

Då favorittane i Pickles kom med ei ny oppskrift på kjole, falt eg nettså litt pladask. Så søt og så enkel!
Enkel boblekjole, rett og slett. Garnlageret mitt har vokse litt etter ymse reising i haust, og på Tjorven hadde dei Rowan feltet tweed på salg (i ein nydeleg støvete rosafarge med litt "spett" i).

Så storesøster har no fått seg ny kjole (eller tunika), i størrelse 5/6 år (dog litt lenger enn kva som står i oppskrifta). Ho er som alltid veldig takksam, og ville straks og med ein gong ha på seg det nye plagget (hadde såvidt fått festa siste tråden) ;-)

Ei heilt herleg enkel oppskrift å strikke - skikkelig tv-strikk (altså mykje glattstrikk - rundt og rundt og rundt). Anbefales!

Oppskrift: Pickles Enkel boblekjole
Pinne: nr 5
Garn: Rowan felted tweed, 2 nøster

O jul med din glede

2012-01-16T20:47:00.003+01:00

Det blei eit knippe julegåver i år. Hadde store planar (første år utan eksamensspøkelset hengande over meg) - men trur all tida gjekk til hovudet på meg (Du veit, når du tenker at du har sååå god tid? Og så endar du opp med å ikkje bruke den gode tida i det heile. Noko i den duren).

Men eit par-tre blei det lell:

Julegåve til ei av mine næraste venner. Hals frå Stitch Nation, strikka i mjukt Fumato, kjøpt på Tjorven garn i Oslo (ein butikk som anbefales om du i Majorstua-trakter!).

Oppskrift: Infinity Trinity: Cowl & Mitts, la opp 60 m framfor 40 som står i oppskrifta, så felta med perlestrikk blei litt større (og dermed også halsen litt breiare)

Pinne: 4 1/2

Garn: Fumato frå Lana Grossa, pluss ein glittertråd i gull for litt glitrande (knis!) effekt :-)

Julegåve til to nieser (eller tantungar, som eg jo eigentleg seier). Desse populære luene med pelsdusk, strikka etter oppskrift hos Tjorven garn. Raske og lettstrikka! Den rosa i str 6-8 år, den lilla str 8-10 (og dermed litt stor til den søte modellen min). Strikka i Drops karisma.

Sidan eg ikkje er så glad i bruken av pels, styrte eg litt med å finne fuskepelsduskar. Fann heldigvis til slutt - hos Marte Helgetun. Dei var kjempefine, og eg er så nøgd med prikken over i-en!

Må jo også legge til at når den eine niesa ønska seg eiga korg med strikketøy i til jul, vart strikketanta varm om hjarta, og ikkje i tvil om kva resten av julegåva skulle innehalde ;-)

Oppskrift: Ribbestrikket lue
Pinne: 4
Garn: Drops Karisma, litt over eit nøste på kvar
Dusk frå Marte Helgetun, farge Mørk ulv, størrelse small

Søndagsfavorittar: Hals

2011-12-04T18:41:00.000+01:00

Andre søndag i advent, og eg feirar likesågodt med ei ny "spalte" på bloggen min: favorittoppskrifter! Sidan det altså nærmar seg jul, og eg er i full gong med julepresangar, vil eg dele nokre av dei mange fine oppskriftene eg fann på hals, eller cowl, som det jo heiter på engelsk. Den første er på pinnane as we speak! Trykk på biletet for å komme til oppskrifta. Enkelte er ravelry-linkar, det vil altså seie at du må ha brukar der for å kunne finne oppskrifta (dette er gratis) :-)

London

2011-11-28T21:43:00.000+01:00

Went a little overboard.... *plystre*

Bitterroot

2011-11-24T21:26:00.001+01:00

Mi kjære mor hadde nyleg bursdag, og eg ville gi ho noko heilt spesielt, sidan det er nettopp det ho er for meg. Valet fall på eit sjal, etter at eg kom over eit handfarga garn i nett dei fargane eg assosierer med ho (haustlege, fine fargar!).

Etter mykje tid på Ravelry, vart eg til slutt einig med meg sjølv om å strikke eit knitty.com-sjal - nemlig "Bitterroot."

Var voldsomt i stuss etterkvart som eg strikka, syns liksom ikkje mønsteret kom så godt fram når eg brukte fleirfarga garn. Men, no hadde eg valt dette garnet, og då måtte eg jo berre fullføre ;-) Etter at sjalet låg fleire dagar til blokking, syns eg ikkje resultatet vart so aller verst likevel.

Garnet var iallefall kjempemjukt! Og ikkje minst veldig drøyt, har framleis ein halv ball igjen. Det var kanskje litt strevsomt å strikke med, tråden dreiv å delte seg (måtte til stadighet plukke opp "halve" masker her og der...). Blanding av alpakka og silke, handla på yarn.com. Sjalet vart tatt i bruk med ein gong, så eg tolkar det slik at mottakaren vart nøgd ;-)

Fekk verkeleg smaken på å strikke slike sjal, det er liksom noko som skjer i arbeidet heile tida - veldig kjekt! Litt konsentrasjon trengs jo, iallefall i byrjinga. Kanskje ikkje noko å strikka mens du ser favorittserien på tv, men likevel å anbefala - for det skal liksom så lite til og så blir resultatet så flott (etter blokking vel å merke) ;-)

Oppskrift: Bitterroot frå knitty.com

Pinner: 3 1/2

Garn: Alpaca Silk Hand Dyed frå yarn.com, omtrent eit 1/2 nøste - altså 50 gr (!).

Ellers så er det julepresangar det går i på pinnane om dagen (sikkert fleire med meg?). Bloggen er liksom litt nede i ein dal, skyldar på ny jobb og mindre fritid ;-)

For nokre veker sidan var eg i Oslo ein tur, her leita eg opp Tjorven garn (som får mykje god omtale rundtomkring på nettet). Dette var jaggu ei lita perle, midt på Majorstua! Massevis av forskjellig garn, kjempekjekt! Blei jo ei lita samling då... Prøvde å handle med tanke på julepresanga, så no har eg ein del å henga fingrane i. Berre ein månad igjen! (er faktisk tidleg ute i år...)

No får eg gå å pakke litt, i morgon reiser nemlig eg og mi søte venninne Lisa til London på shoppingtur! Hurra, kor kjekt det skal bli :-) Heile fire garnbutikkar har me planar om å få skvisa inn i shoppingtida, blant anna Loop og I Knit. Gleder meg! Er det forresten nokon som har andre gode garnbutikkar å anbefale i London? :-)

Nok ein gong: Eg elskar hausten!

2011-10-04T22:38:00.001+02:00

Har nok sagt det før. Men syns hausten er så fin altså! Mørke innekveldar med regn som bankar på vindauget mens stearinljosa varmar inne, strikketøyet er godt plassert mellom henda, og det er rett og slett berre kos. (Joda, eg blir lei regn, vind og surt klima eg óg altså, men når eg no har valt å busetja meg i vestlandets hovudstad, så må eg jo berre gjera det aller beste ut av det) ;-) Og så er det jo så mange fine strikkeplagg i butikkane om hausten! Har, som sikkert mange andre strikkarar der ute, gått til innkjøp av det nye handarbeidsbladet "Made by me," og må sei at det fenga meg!

Bladet er spekka fullt av inspirasjon, spesielt godt likte eg "Strikk trendy designermote"-oppskriftene, der det rett og slett er henta inspirasjon frå "catwalken." Fiffig! Om du ikkje har bladd i dette allereie, så anbefaler eg det! Iallefall om du likar litt trendy strikk. Litt stiv pris på bladet kanskje, 169 kr, men samstundes er det jo mykje oppskrifter her då. Kjem vel litt an på korleis ein ser på det. For meg var det verdt pengane!

Så, i kveld er det kos med strikketøy, litt sjokolade og tv som durar i bakgrunnen. Held for tida på med eit heilt enkelt, nytt teppe til vesle kråkebolla. Me var nemlig så uheldig å miste det forrige koseteppet på bussen. Tragedien var total då eg ikkje skjønte før etter bussen hadde lukka dørene og kjørt avgarde at når ho grein "mor hjeppa mæj," så betydde dette at ho faktisk ville ha hjelp til å hente teppet som hadde falt utav vogna. "Peppe! Bussen! Peppe!" (fekk litt "Rädda Joppe, död eller levande"-assosiasjoner til det heile). Så no går ho rundt med ei lita reserveløysning til teppe ;-)

I anledning litt kaldare tider, passar det gjerne å vise nettopp kråkebolla i sitt nyaste plagg: "Top-down Baby and Children Cable Yoke Jacket"

Hurramegrundt, kor evig glad eg er for at eg bestemte meg for å strikke denne! For ei fantastisk oppskrift, eit fantastisk garn, og fantastisk plagg! Eg er kjempenøgd (om det er lov å sei sjølv? Ja, det syns eg) ;-)

Jakken er strikka i Drops sin Nepal, som er ei blanding mellom ull og alpakka. Viss du likar å strikke med tjukt garn, så anbefaler eg dette. Gir eit jamnt og godt resultat, og er ein fryd å strikke med.

Oppskrift: Cotton & Cloud, sjå også Ravelry, om du er der :-)
Garn: Drops Nepal
Pinnar: 5 og 4.5

Dobbel lykke

2011-08-08T20:23:00.000+02:00

Nemnde for ei tid sidan at eg handla litt på salg hos Drops sitt "supersale." Kanskje på tide å vise resultata av garnet? ;) (ja, eg har hatt sumarferie, og verkeleg storkost meg med masse ledig tid - stakkars bloggen har blitt litt nedprioritert).

Venninna mi som fekk born for ei stund sidan (ikkje berre ein, men to nydelege gutar) fekk dette settet som ei lita helsing i barselgåve. Luer strikka etter Myk Start si oppskrift, og "baby booties" etter den oppskrifta eg stort sett fell tilbake på når det gjeld babytøflar - nemlig Ullent eventyr si oppskrift.

Raskt og enkelt sett som er greitt å gi vekk i barselgåve ;)

Garn: Drops Alpakka (50 gr av kvar farge)
Pinner: 3
Oppskrift: Luer frå Myk Start, tøflar frå Ullent eventyr

Babysvøbet - Det hele kongerige

2011-05-21T11:44:00.007+02:00

Kanskje de har fått det med dykk, dette teppet som den danske kronprinsesse Mary har hatt både til dei nye tvillingane og babyen som kom før (avslører glatt at eg ikkje har heilt kontrollen på om det var gut eller jente, det danske kongehuset er ikkje øverst på kunnskapslista mi) ;)

"Mysterieprosjektet" som eg nevnte såvidt før påske er no ferdig, og overlevert til mi gode venninne som fekk sin vesle gut no i midten av mai.

Som eg skreiv tidlegare, så fanga dette verkeleg min fascinasjon. Ein sann fryd å strikke, dette her, rett og slett! Har tidlegare hatt så lyst å prøve meg på det, men vegra meg, sidan det ser jo frykteleg avansert ut. Kan berre seie med ein gong, at skinnet bedrar! Det var verkeleg ikkje vanskeleg i det heile. Vil tørre å påstå at dersom ein kan strikke rette masker, kaste og strikke to i saman, så har ein eit godt utgangspunkt. Hjelper sjølvsagt på med ein dose tolmod og evnen til å ikkje bli overvelma av store oppskrifter med mykje beskrivelsar ;)

Ein byrjar på same måten som Nøstebarnteppet (Mor Signes babyteppe), dersom det verkar kjent. Altså, legg opp tre masker og aukar derifrå. Einaste forskjellen er at ein byrjar kvar omgang med eit kast, som resulterer i små løkker langs kanten (viser såvidt på biletet over). Desse blir grunnlag for masker til "havskum"-kanten rundt, denne blir strikka fire ganger (altså langs kvar kant), og sydd saman til slutt med såkalla heksesting. Før syinga strikkar ein imidlertid blondekanten, som vert strikka på "langs" rundt heile teppe.

Teppet vart strikka i Nøstebarn si merinoull-silke blanding, og resultatet vart så mjukt. Eg er kjempenøgd! Det vart imidlertid litt tungt (teppet er jo rimeleg svært), nok på grunn av silken, men håpar det ikkje gjer mottakaren så mykje. Det gjekk med litt over to hesper til prosjektet, heldigvis sel Nøstebarn halve hesper.

Teppet måtte sendast i posten, sidan mottakaren bur på ein litt anna plass, og eg sit låst med oppgåveskriving (keisamt), så bobleplast og posteske vart kjøpt inn. Komisk nok å pakke inn eit teppe i bobleplast, men kunne jo ikkje risikere at trådar blei dratt laus og liggande igjen ein plass på strekninga ;)
Fekk forresten nydeleg takkemelding av mottakaren, så eg er godt nøgd :)

Oppskrift:
Det finnes eit par, både på dansk og engelsk (der den engelske er originalen, og den danske oversettelsen). Eg fulgte den engelske, syns den var grei å følge, med forklarande bilete av prosessen. Og så har du den danske, publisert i bladet "Ude og hjemme", og denne var heilt grusom å følge, sidan dei ikkje har skilt med linjeskift i teksten, slik at alle omgangane kjem etter kvarandre på same linje. Her er det heldigvis laga ein litt betre versjon av same oppskrifta.
Så: Engelsk og dansk

Dersom du er på Ravelry, ta også ein kikk på dei mange teppa som er strikka i denne oppskrifta. Mykje fint! :)

Garn: Nøstebarn Silke-ull, litt meir enn to hesper
Pinner: 4,5

Shopping på salg

2011-05-16T23:40:00.001+02:00

Ja, så var det blitt 16. mai, skal sei tida flyg når ein kosar seg med eksamanar og bacheloroppgåve (ja, sarkasmen er til å ta og føla på). Eg er glad eg har strikkinga mi, den fungerer som meditasjon, ein fin måte å "tømme hovudet" etter lange dagar foran pc-skjermen.

Som sikkert dei fleste har fått med seg, så er det "Drops supersale" om dagen, og eg nytta høve til å shoppa meg litt garn for framtidige prosjekt ;)

Ei venninne har nyleg fått tvillingar, to gutar, så eg tenkte at stripete djevelluer med matchande tøflar til ville væra ei super barselgåve. Ei par gutar som nok vil få litt strikkegåver, sidan me er nokre strikkeglade i gjengen vår ;)

Har også planar om å strikke denne søte saken, ei haustjakke til minsteminien, i søt pudderrosa. Gledar meg verkeleg til å byrje på denne! Garnet er Nepal, ei blanding av ull og alpakka.

No er det vel berre å ynskje alle der ute ei strålande 17. mai-feiring i morgon då! Håpar været holder, isen er god og selskapet likeså ;) Hipp hipp!

Prinsesse Abagail

2011-05-02T21:19:00.000+02:00

Strikka med same garnet som Fiona's top, mjuk BabyAlpaca Silk frå Garnstudio. Oppskrifta vart funnen på Ravelry, og var rett og slett herleg enkel! Den er opprinneleg til omtrent seks månader, men vil no tru at den må enda opp litt vid til ein seks månader gammal baby (utan at eg har nokon å måla på). No har eg riktignok brukt litt tjukkare garn, og i tillegg strikka meir på lengden, så vesten passa finfint til ei lita ei på to år ;)

Likte godt å strikka dette mønsteret, det satte seg fort i hovudet, og blei dermed et greit kikke-på-tv-prosjekt (kan jo ikkje sitta rett opp og ned i sofaen utan å strikke samstundes?!). Vesten vart strikka på pinne 4. Garnet gjorde seg veldig godt saman med denne pinnestørrelsen, og resultatet blei luftig og fint.

Og så eit lite actionbilete av vesten i bruk. Riktig så nøgd på toårsdagen sin! :)

Oppskrift: Abagail Sweater
Garn: BabyAlpaca Silk frå Garnstudio, omtrent 90 gr
Pinner: 4

Mangel på inspirasjon?

2011-04-27T20:54:00.001+02:00

Då vil eg verkeleg anbefale Ravelry! Dei aller fleste har vel kanskje høyrt om det no etterkvart, men tipsar no likevel ;)
Ravelry er eit gratis "samfunn" stappa fullt av oppskrifter og andre strikkeglade (eg er lillamanilla, om du vil være min "ven", tihi!). Her kan du blant anna leggje inn prosjekta dine, lage kø-lister over kva du vil strikke, lagre favorittoppskrifter og bli med i ymse grupper. Mykje moro! Eg går alltid inn her om eg ynskjer å finne oppskrifter og inspirasjon til neste strikkeprosjekt.

Sånn ellers så må for tida Hagejakken min vike. Eg held nemlig på med noko altoppslukande noko, noko som verkeleg har fanga min fascinasjon. Og som, ikkje minst, treng å bli ferdig ganske snart (eg strikkar om kapp med tida!). Spanande? ;)

Fiona's top #2

2011-04-25T15:09:00.003+02:00

Då var påsken snart over! Smått med strikking, har hatt to små med omgangssjuke, så ein kan vel seie at ferien har vore litt "amputert." Har vaska mykje klede då... Heh ;)

Eg bestilte for litt sidan garn i frå denne koselege nettbutikken, som eg enda ikkje har fått sjansen til å besøke i røynda (er jo strengt tatt ikkje lange køyreturen, så ein dag skal eg nok få til det også) ;)

Dei hadde Drops sitt nye garn, BabyAlpaca Silk, til introduksjonspris, og dermed fekk eg utvida min erfaring med nettbutikkar rundtomkring på Internettet.

To Damer leverte raskt, og leverte i tillegg ein følgeseddel med ein koseleg handskriven helsing på :) Hadde ingen klar plan for kva eg skulle strikke då eg handla garnet, så det blei litt forskjellige fargar, sjølvsagt med dei to miniane i bakhovudet :)

To av nøsta blei etterkvart altså til ein ny versjon av Fiona's top, som eg har strikka ein gong tidlegare.

Denne gangen strikka eg toppen rundt, framfor å sy fram- og bakstykket i hop på slutten. Mykje betre! Følte det blei meir kontinuitet i arbeidet, og så er det ei deilig kjensle å faktisk være ferdig med heile toppen når ein først feller av ;) Første gong eg strikka denne, syns eg mønsteret var litt tungt å komme inn i. Denne gangen føltes det mykje lettare, og mønsteret gjekk raskt på "repeat". Øving gjer vel meister? ;)

Garnet var også gjenstand for anbefaling, deilig og mjukt. Dog litt merkeleg "konsistens" på pinnane. Det kjentes litt ut som å strikka med bomull, men kan ikkje heilt forklara kvifor, er nok silken som gjer det. Men toppen endte opp så mjuk og glansfull, så er godt nøgd med denne! :)

Oppskrifta er gjerne litt "dyr," med tanke på at det kun er eitt plagg i oppskrifta. Men den er så fin at eg vil sei den er vel verdt pengane.

Garn: Drops BabyAlpaca Silk, 100 gram
Pinner: 3,5
Oppskrift: Fiona's top (Ravelrylink her)

Hurra!

2011-04-16T17:17:00.000+02:00

Eg har vunne! O-hoy kor glad! :)

Pickles har hatt ein give-away som gjekk ut på at ein skulle skrive kva strikkeprosjekt som sto på planen i løp av påsken. Fem vinnarar blei trekt ut for kvar sin"Pickles' Favoritter" (boka som Pickles ga ut i fjor). Og jaggu vart eg ein av dei fem! Eg som aldri vinn nokonting! No er eg så lykkeleg, har lurt på å kjøpe den boka si ho kom ut (sto blant anna på ynskjelista mi til jul) ;) Hurra!

Prosjektet eg held på med no i påsken er "Hipp Hagejakke," frå nettopp Pickles. Den skal strikkast i Abuelita tjukk merino.

Trur eg har fått målt meg til rett strikkefasthet og pinnar no (oppskrifta er eigentleg for eit bomullsgarn), har iallefall byrja på vrangborden, så får me håpe dette ikkje blir heilt feil ;) Garnet kjøpte eg for lenge sida, og byrja eigentleg på denne boleroen, men fann aldri energien eller motivasjonen til å gjere den ferdig. Så no satsar eg på at dette deilige garnet skal komme til rette i hagejakken :) Det er iallefall ein deilig vårfarge!

No gledar eg meg til boka kjem i posten!

God påske til alle i hop, håpar alle får ei strålande fin påskefeiring :)

Little sister's dress

2011-04-11T12:32:00.001+02:00

Eg har tidlegare uttrykt mi begeistring for Tora Frøseth sine oppskrifter, og her kjem nok ein populær favoritt.

"Little sister's dress" (eller "Kjole til lillesøster") er ei herleg og enkel oppskrift som vert strikka ovenfra og ned. Bærestykket er originalt ein kombinasjon av rette og vrange omgonger, men eg valte denne gongen å strikka det i rillestrikk, sånn for variasjonens skuld.

Tråden er ymse restar av alpakka (av ulike merker), og strikkeskåpet er blitt litt alpakkagarn fattigare (ganske greit å få brukt opp slike smånøster som ligg rundtomkring) ;)

Kjolen er strikka på pinne 4. Veslesyster er kjempenøgd med plagget, ho seier "fii" (fin) og stryk seg på magen når ho får den på. Herlegt takksame jenter eg har ;)

Har strikka eit par slike kjolar tidlegare, denne lilla vart strikka til storesyster i si tid. Ho er no vokst utav den, og veslesyster er difor klar til å ta over (praktisk!). Strikka i Nøstebarn si merinoull, på pinne 3,5.

Også denne vesle saken då. Denne vart brukt myyyykje. Strikka i Nøstebarn si angoraull, og akk, så mjuk, varm og herleg. Det var som om veslesyster fekk ein indre ro (hihi) når ho fekk den på, ho sov og sov og sov ;) Dette garnet loar imidlertid ein god del i byrjinga, men dette "roar" seg etterkvart. Denne vart strikka på pinne 3.
(Sukk... Tenk at vesle babyen min blir 2 år på torsdag!)

Anbefalar verkeleg denne oppskrifta om du vil ha noko enkelt og fint å strikke (utan montering, hurra!). Ein av mine favorittar!

Garn: Ymse alpakka
Pinner: 4
Oppskrift: Tora Frøseth "Little sister's dress"

Lørdagskos

2011-04-09T21:23:00.002+02:00

Eg er ei slik ei som er konstant kald på beina. Til gjengjeld er eg alltid varm på henda, men det er ei anna historie. Eg bruker tjokkelubbar/labbar/lester/ullsokkar (kjært barn har mange navn...?) sumar som vinter. Derfor tenkte eg at det var ein god idé å spandere på seg eit par skikkelege sokkar, type ikkje-bruke-utav-huset-fordi-dei-er-så-tjukke-og-ikkje-minst-fine-sokkar ;)

Desse herlige her vart strikka etter ei oppskrift på Garnstudio, og eg fekk prøva meg på å strikka "bobler" for første gong, noko som slett ikkje var så vanskeleg som eg hadde trudd.

Dei har vært i bruk nesten kvar dag sidan dei var ferdig, noko som vises på alle kattehåra som heng seg fast rundtomkring på sokkane. Perser og trekke-til-seg-støv-ull er dårleg kombinasjon. Men pyttsann, ingenting som ikkje kan støvsugast bort med jamne mellomrom ;)

No er det laurdagskveld i heimen, eg skal nyte roen med strikketøy i henda og varme på beina. Og, ja, for ikkje å gløyme, denne herlege retten (som mannen diska saman i all hemmeleghet, flinkingen) skal også nytast :) God helg!

Oppskrift: "Drops sokker med fletter"
Pinnar: nr 8
Garn: Sandnes garn Easy

Awards!

2011-03-29T18:02:00.001+02:00

Eg føler meg så smigra, som har fått same awards av to forskjellige, nemlig Rigmor og Lykkelinn. Tusen takk! Awarden går ut på at ein skal velge fem inspirerande bloggar som har mindre enn 100 følgjarar. Her er mi liste, eg har prøvd å velgje ut bloggar som ikkje har fått awarden frå før:

Hespetre - ein strikkeblogg med mykje fint strikkeri

Ane Victoria - mi gode venninne og strikkemaskin

Frihet - ein blogg full av sy-inspirasjon

Novocaine for the soul - ei anna gode venninne med masse inspirasjon til god musikk som er fin å sette på til strikkestunda ;)

Ordentlige bleier - bloggen som har mi favorittoppskrift på den populære monsterbuksa

Stripete raglanfelling

2011-03-25T09:44:00.001+01:00

Denne genseren vart til for ei lita stund si, men vart tatt i bruk fra første stund, så derfor har eg ikkje komt på å ta bileter og blogge om den før no. Når ein har miniar i friluftsbarnehage blir det eit ekstra behov for gode ullklede, så eg tok turen til Nille og kjøpte inn litt "Østlandsgarn"(nokså likt, om ikkje det same som Vestlandsgarn på Sparkjøp, om eg ikkje tar heilt feil). Greit garn til barnehagebruk syns eg, passe tjukt og slitesterk.

Genseren blei strikka etter "eige hovud". La opp 124 m og strikka vrangbord i ca 3 cm. Auka deretter til 134 m, og strikka glattstrikk vidare. Når eg var oppe i ønska lengde, fellte eg 8 masker på kvar side under armhola, og la arbeidet til side. Byrja så på armane, der eg la opp 40 m og strikka vrangbord i ca 3 cm. Strikka så vidare i glattstrikk, og auka to masker kvar 6 omgang (ei i byrjinga av omg og ei i slutten) til eg var oppe i den vidden som passa på armen. Når armen var lang nok fellte eg 8 masker på armen, og byrja på raglanfellinga. Her fulgte eg denne oppskrifta, sånn nokolunde. Genseren vart strikka på pinne nr 4.

Knappane fann eg på Søstrene Grene i Stavanger, eit søtt lite "Noregsglass" med 100 knappar oppi (til den nette sum av 35 kr). Herlig!

Oppskrift: Eiga (sjå forklaring over)
Garn: Østlandsgarn frå Nille
Pinner: nr 4

Stripete lue til seksåring

2011-03-21T20:30:00.004+01:00

Kom over denne strikkebloggen, Strikkere, her om dagen. Ein utfordringsblogg, gøy! Eg tar gjerne ein utfordring, syns det er kjekt å få innspel og inspirasjon til kva eg kan strikke (som om den lista ikkje er lang nok....) ;) Temaet for utfordringa eg heiv meg med på var "stripete luer", strikka til søte minien min, som alltid er så takksam for det som mor strikkar :)

Eg har eit ganske stort alpakkalager, og mottakaren av denne lua er nokså streng på om det klør eller ikkje, så valet fall naturleg. Alpakka er noko av det beste eg strikkar med, så likar godt å ha dette på pinnane.

Fargane er mørk brun, lys rosa og beige.

Oppskrifta er egenkomponert, la opp 120 masker og strikka vrangbord i omtrent 7 cm. Aukte deretter til 176 masker, og strikka glattstrikk fram til lua dekka nesten heile hovudet. Strikka så nokre omganger der eg fellte to masker på fire forskjellige plassar. Til slutt drog eg tråden gjennom maskene på pinnen og "snurpa" sammen. Enkel og grei måte å strikke lue på synes eg, har litt sansen for den snurpeeffekten på toppen ;)

Garn: Alpakkatråd (ymse restar)
Pinner: nr 3
Oppskrift: Eiga (sjå forklaring over)

Mottakaren av lua var godt nøgd med lua. Stor jente er ho også blitt, blei heile seks år på torsdag.

Helga har altså gått i bursdagsfeiring, med karneval for avdelingen i barnehagen i går. Høglytt, men kjekt!
Vanskeleg å tru at vesle babyen min er blitt så stor (er vel fleire foreldre som kjenner seg igjen der...)! Ballerinaen var uansett godt nøgd med festen sin :)

Lue til Mannen

2011-03-17T22:05:00.001+01:00

Det blir ein del babystrikk her i heimen, å påstå noko anna ville vel vore løgn. Difor er det eit friskt pust å enkelte gongar strikke noko heilt anna. Denne gongen blei det min gode mann som blei beæra med mi kjærleik gjennom pinnane ;)

Lue strikka i mjuk Karisma frå Drops, med tilhøyrande oppskrift. Enkel og grei, rett og slett!

Lettstrikka sak, som vart gjort ferdig på eit par kveldar. Mottakaren var nøgd, og slepp heretter å fryse i den kalde vinden (som minnar oss om at våren ikkje heilt er klar for å kome fram endo) ;)

(Han hadde vel forresten kanskje ikkje turt å la være å bruke den, når eg tenker meg om...)

Garn: Karisma, omtrent 1 1/2 nøste
Pinnar: 3,5
Oppskrift: Drops

Forresten! Observerte ei søt dame som satt å strikka på Bybanen i dag. Gøy! Slo meg at, hei, kor mange timar som blir tilbrakt på vår kjære bane. Eg skal jaggu byrje å ha med meg strikketøyet i veska eg óg. Betre det enn å glo ut vindauget (eller på andre passasjerar som glor ut vindauget, eller sit å strikkar, for den del) ;)

Ull.no

2011-03-10T21:15:00.001+01:00

Ull.no har fått ny, finfin nettbutikk. Gratulera!
Nesten så eg må handle litt. Hmm... ;)

Godt nyttår!

2011-03-08T17:24:00.000+01:00

Jada, so var eg også i gong med det nye året! Sjølv om det har vart ei stund no så har liksom bloggen blitt litt nedprioritert. Men slik blir det vel fra tid til annan. Uansett, tenkte å vise dei to julepresangane som var heimelaga i fjor (gledar meg til desember blir ein månad uten hektisk eksamensstress, slik at eg kan bruke seinhausten på å kose meg med heimespøta presangar) ;) Temaet i fjor vart visst vottar, til to av mine næraste venninner.

Eg hadde i fjor sumar gleda av å byrje på bøkene i Twilight-sagaen, og sjølv om eg ikkje såg den første filmen i serien før eit par dagar sidan, har eg plukka opp at vottane hovedkarakteren Bella brukte i den første filmen altså er ein stor hit rundtom i den vidstrakte Internett-verda.

Ein fryd å strikke, og eg vart so nøgd med resultatet at eg helst ville hatt dei sjølv. Så, eg får vel berre ta pinnane fatt og begynne på eit par til meg sjølv også (sidan snøen ikkje vil gi seg så er me vel framleis i ei vottetrengd årstid) ;)

Desse strikka eg i Viking Naturgarn, eit litt "stikkete" garn, diverre, så eg trur ikkje det blir noko meir strikk med dette garnet, sidan eg har angst for plagg som klør ;) Garnet var litt for tjukt i forhold til oppskrifta, så måtte rekne om slik at det passa med strikkefasthet og det heile. Herligheten vart strikka på pinne 8 (!), til bestemors store undring (som sjeldan strikkar på noko tjukkare enn pinne 2,5, vil eg tru). Men, tjukke pinnar = raskt ferdig! ;)

Oppskrift: "Bella's mittens"
Garn: Viking Naturgarn
Pinner: 8

Det andre paret blei til med Dale Freestyle, etter ei oppskrift som også var veldig kjekk, og rask, å strikke.

Vottar er jaggu kjekt å strikke! Har aldri prøvd meg på dette tidlegare, men det ga meirsmak. Sånn sett er det greit med lange vintrar ;) Ironisk nok manglar eg vottar sjølv... Men kva er det ein seier om skomakerens born? Eller noko i den duren.

Oppskrift: "Citadel mittens"
Garn: Freestyle
Pinnar: 4

Follow my blog with bloglovin

Ein (lite produktiv) månad sidan sist...

2010-12-10T20:57:00.000+01:00

Og eg har endeleg juleferie! Endeleg, høyres kanskje litt absurd ut, med tanke på at det er tidleg desember. Men etter den mest hektiske eksamensperioden nokonsinne, seier eg meg lykkeleg over den tidlege ferien min. Har hatt ferie i fire dagar allereie, og er redd dagane skal fyke utan eg får noko gjort. Men strikking skal det bli tid til!

Sjølv om eksamensperioden har vore hektisk, har eg fått kobla av innimellom med litt strikking. Strikka jo babytøflar og vottar tidligare i vinter til ein bitteliten baby (som forøvrig viste seg å være for store, og eg som syntes dei var sååå små?) ;) Uansett, mora etterlyste varme ullplagg til vesle poden sin, sidan små prematurklær viste seg å vera vanskeleg å få tak i. Eg tok oppdraget med glede, og strikka denne bodyen innimellom eksamensslaga.

Oppskrifta er frå boka Myk Start, og dette er ein herleg "voksebody" som veks med babyen.

Eg hugsa då eg fekk førsteminien min, kor eg strevde med å få plagga "over hovudet" på den vesle beibissen. Eg var difor veldig glad i slike omslagsklede, og tenkte difor at dette var eit rett val også for den vesle guten.

Garnvalet falt naturleg på Nøstebarn si merinoull. Dette er ubehandla ull, som er god å ha innerst mot kroppen og varmar godt. I tillegg er den veldig drøy, så her kan me få fleire ullplagg (har planar om ei bukse i tillegg, nemlig) :)

Eg er veldig spent på om bodyen passar, eg syns den såg veldig liten ut, men har jo ikkje sett den vesle i røynda, så måtte fram med den gamle babydukka mi "Håvard" (oppkalla etter eit søskenbarn som vart fødd same året) :)

Garn: Nøstebarn merinoull
Pinner: 2,5 og 3
Oppskrift: Boka "Myk Start"

Vinter!

2010-11-07T17:54:00.000+01:00

Det har plutseleg komt snø (igjen)! Flaks for meg at eg er ferdig med mi herlege "Stafflue" frå MirreVirre sin fine strikkeblogg :)

Denne lua som er så populær på strikkebloggar rundt om i det vidstrakte internett-land har no vore på pinnane mine eit par kveldar.

Eit utruleg lettstrikka prosjekt, med både strikkepinnar og heklenål involvert. Denne blir det nok strikka fleire av! Lett å justere lua etter kva størrelse du vil, sidan du byrjar med å strikke fletta på "tvers", og dermed kan strikke dette bandet så vidt du vil ha det.

Oppskrift: Stafflua

Pinnar: nr 4, heklenål 5

Garn: Sisu frå Sandnes Garn

Sukkersøt lue

2010-11-05T18:26:00.001+01:00

"Waaow..." sa mini 1 då eg kom heim med dette strømpegarnet...

"Du må strikke en lue til meg, kan du deeet?" Og eg som hadde ambisjonar om sprelske sokkar av det fargerike nøstet. Jaja, lue blei det, eg får bruke eit anna garn til sokkestrikkøvinga mi ;)

Fann fram den trofaste Nøstebarnboka, og strikka ei lettstrikka og rask lue derifrå. Strikka i dobbel tråd, for at den skal være litt lun mot vinden, og halde fasongen greit.

Dusk har eg ikkje laga si barneskulen, og det einaste minnet eg har frå den seansen var at tålmoda tok slutt og dusken vart aldri ferdig. Måtte difor friske opp kunnskapane litt, og fann ei grei oppskrift på korleis ein dusk blir til her. Eg skjønte raskt fort kvifor tålmoda tok slutt den gong i formingstimen på barneskulen, snurring av tråd rundt to pappskiver kan bli nokså keisamt... Men, morsom detalj på lua likevel ;)
Dusken er imidlertid tatt av igjen no, etter klage frå minien om at lua var for baktung. Eg klarte heldigvis skjule skuffelsen min ;)

Tråd: Strømpegarn frå Europris og Baby Merino Ull frå Nille, Babyull frå Stoff og Stil til dusk og hekla kant
Pinne: 4
Oppskrift: Nøstebarn

Bryllupsbolero

2010-11-03T12:52:00.000+01:00

Her kjem bileter av den heilt enkle boleroen eg strikka til bryllupet mitt i august. Dagen var strålande, både innholdsmessig, og værmessig, så boleroen blei ikkje så mykje brukt, men eg var såpass stolt over kreasjonen at eg måtte jo ha den på meg under vigselen. (Og ja, eg er totalt på gråten på biletet nedanfor) ;)

Boleroen er strikka etter ei oppskrift basert på Pickles sin "Annas bryllupsbolero". Eg valte å strikke denne i glattstrikk, eg ikkje syns perlestrikk gjorde seg så fint med denne tråden. Garnet var forøvrig heilt herleg å strikka med, så utruleg mjukt og godt (kan sikkert egna seg godt til babyteppe, for eksempel). Valte å la kantane på boleroen "rulla" seg oppover, syns det ga ein enkel, men fin effekt.

Det eg var særs nøgd med på boleroen var korleis ryggen passa til kjolen, som hadde ein "drapert" eller rynka effekt bakpå beltet. Kjolen er forresten sydd av mi vakre mor, som er opphavet til mi kreative interesse :)

Må også vise detaljen på min flotte kjole, ti lag med tyll, der dei seks nederste var pynta med ulike lilla silkeband. Å, kor eg elska den kjolen! :)

Garn: Babyalpakka, frå BC Garn
Pinner: nr 3 1/2
Oppskrift: Basert på teknikken brukt i Annas bryllupsbolero, men med anna maskeantal (er jo brukt ein heil del tynnare tråd) og glattstrikk istadanfor perlestrikk

Babyblått til frostne vintertider

2010-10-28T21:20:00.001+02:00

Ei barndomsvenninne av meg fekk nyleg ein liten gut, ein bitteliten ein, sju veker for tidleg født. Slike småttisar treng litt ekstra varme!

Tøflar med passande vottar til for å hjelpe ein liten gut å halde varmen i vinter. Er jo litt stas med heimestrikka barselgåver? :)

Tøflane har eg blogga om før, det er oppskrifta til bloggaren bak Ullent Eventyr, men denne gong modifisert til å strikka rundt (slik at det kun blir litt sying bak i hælen). Vottane er i frå Nøstebarnboka. Begge mønstera er strikka litt mindre enn det som er oppgitt i oppskrifta, sidan det er ein liten Tommeliten som skal få dei.

Garn: Dale Alpakka

Pinner: Strømpepinner nr 3

Oppskrift tøflar: Ullent eventyr sine "Stay-on baby booties"

Oppskrift vottar: Nøstebarn

Blogginspirasjon

2010-10-08T17:19:00.000+02:00

Ramla over denne strikkebloggen her om dagen. Her var det mykje fint!

Denne bloggaren lagar mange flotte oppskrifter, og eg fann raskt mykje eg har lyst å laga.

Har blant anna lyst å prøve meg på denne herlege vesten. Men tør eg strikke noko til meg sjølv tru? ;)

Monsterbukse - sjokolademonster!

2010-10-07T11:03:00.000+02:00

Strikka jo for ei tid tilbake ei monsterbukse, men viste aldri det ferdig resultatet. Her kjem bilete!

Hadde eigentleg planar om å sy augevipper på monsteret, og brodere ein liten muffins på framsida. Men det blei med ideen gitt.

Monsteret lev glade dagar i barnehagen, der ho blir flittig brukt kvar dag!

Det rosa bandet i livet er bytta ut med ein meir praktisk strikk. Ikkje så dekorativt, men meir anvendeleg i ein hektisk kle-av-og-på-kvardag i barnehagen ;)

Tråden nuppa seg litt etter bruk, veit ikkje om det kan vitne om litt dårleg kvalitet på garnet? Det er uansett ei varm og god bukse!

Eit kjekt prosjekt, og ei god oppskrift som eg kan anbefale i "jungelen" av monsterbukseoppskrifter ;) Har ei ny bukse på pinnane no, denne gongen ein meir maskulin versjon som skal leverast i treårsgåve til ein tantegut.

Garn: Babyull frå Europris, og Baby Merino frå Nille
Pinner: Rundpinne og strømpepinne nr 4
Oppskrift: Ordentlige bleier si monsterbukse

Garn på veg i posten!

2010-10-05T13:40:00.000+02:00

Frå Hifa! Nokon som har prøvd deira garn?
Fann den søtaste oppskrifta der, "Lillefot"-tøflar. Gledar meg til å sette i gong med den!

Og fargar? Lilla sjølvsagt! Nærare bestemt mørk lilla og denne litt lysare (kanskje litt meir rosa den siste der...).

I dag var eg på Ull-Rik butikken, der er det opphørssal. Dei skal satse på nettbutikk, kunne dama som sto der fortelle meg. Spanande! Ull er gull, så eg gjekk ut derifrå med ei ulltrøye til mini nr 1, og littegrann garn frå Dale. Planen er ein genser, av eit eller anna slag ;)

Elles held eg på med ein babyjakke, og hals, og sokkar, og... Puh... Korti skal eg lære meg å gjere ferdig eit prosjekt før eg startar på eit nytt? ;) Uansett, bileter kjem! No er det tilbake til studiene, ikkje nett like freistandes som strikkepinnane men. Det må til, skal eg få meg jobb og pengar til alt dette garnet eg kjøper ;)

Genser til haustkalde dagar

2010-09-20T21:59:00.000+02:00

Garn: Babygarn frå Stoff og Stil
Pinner: Rundpinne 2,5 til brota, og 3 til resten av genseren
Oppskrift: Stoff og Stil

Nok eit babyplagg, i favorittfargen lilla (som alltid?) ;) Ein veldig lettvint, og derfor kjekk genser å strikke (er alltid glad i ting som går raskt på pinnane!).

Garnet er mjukt og godt, og var gode på trepinnane (som eg jo aller helst foretrekker). Det gjenstår å sjå om den nuppar seg, slik for eksempel Europris si babyull har ein tendens til å gjere. Trur babyulla frå Stoff og Stil er hakket mjukare iallefall, utan at eg skal seie noko sikkert.

Genseren er ein veldig enkel modell, men har ein liten dekorativ mønsterkant øverst. Ekstra fin blir den med litt meir dekorative knappar enn det eg har valt her, men eg er ei utålmodig sjel, og "raida" mor si knappesamling for knappar (lite knappeshopping her i huset gitt). På utstillingsmodellen dei hadde laga på Stoff og Stil var det brukt sjølvtrekte knappar med stoff som matcha fargen på genser. Det var liksom prikken over i'en. Men, genseren min dug no til barnehagebruk, sjølv med litt "keisame" knappar ;)

Eg har aldri strikka genser med raglanfelling før, men kan allereie (etter første forsøk) seie at eg har funne mitt kall ;) Noko so enkelt! Fann mykje inspirasjon i denne strikkebloggen , ho viser her at det er leikande lett å strikke raglanfelling, noko det også var (sjølv om eg lurte fælt på korleis dette skulle gå til. Takk for flinke medbloggarar, seier berre eg!).

Det einaste som skal syast er hullet under armane, noko som faktisk ikkje er så komplisert. La dei kant i kant, og sydde gjennom dei ytterste maskene på kantane. Det sto forøvrig også ganske greit forklart i oppskrifta korleis raglanfellinga skulle strikkast. Alt i alt eit lettvint prosjekt!

Eg er jo veldig glad i hausten, ikkje minst fordi det går an å bruke strikkeplagg igjen :)

Tilbake til kvardagen (iallfall nesten...)

2010-08-20T21:14:00.000+02:00

Helga for bryllup kom og gjekk, og tilførte mange gode og fine minner. Ei fantastisk feiring, rett og slett! Boleroen vart ferdig (akkurat i tide...), og garnet var perfekt for ein søt brudebolero. Eg har diverre ikkje fått tak i alle bileta som blei tatt den dagen endo, så ingen skikkelege bileter av boleroen er å oppdrive, men skal lage ein post for dette seinare, så snart eg har nokre duganes bilete (det var jo "heldigvis" strålande sol, så boleroen fekk ikkje stråle i kapp med brudekjolen så lenge ;-) )

I dag har eg sendt overraskelsespakke i posten, til ei god venninne med ein liten prins, som eg lova lubber til for eviglang tid sidan. Har endeleg fått ut fingen og gjort ferdig sokkane.

Eg er endo ikkje heilt fortruleg med sokkestrikking, men øver, øver og atter øver, og satsar på å bli tilnærma meister når eg er ferdig ;-)

Strikka hæl etter denne oppskrifta. Ein veldig grei og lettstrikka hæl i grunn. Trur likevel eg må prøve å få bestemor til å skrive ned korleis ho strikkar hælen på sokkane sine. Har endo til gode å sjå ein så fin hæl som det ho strikkar!

Tåa strikka eg etter oppskrift på same plassen som hælen. Likte ikkje denne så godt, syns ikkje resultatet vart heilt fint. Har imidlertid funne ei oppskrift der ein feller midt oppå og midt under, samt i kvar side. Dette skal visstnok gi ei litt rundare tå, så eg får prøve dette neste gong eg hiv meg i gang med sokkestrikkinga. Med to miniar i barnehage treng ein gjerne litt lubber på foten ;-)

No tek eg og min nye ektemake oss ein liten ferie til Kreta i ei vekes tid. Det skal bli godt! Tar med meg litt strikkeri sjølvsagt (flyskrekk blir betre med strikking, har eg funne ut), denne gongen ein babygenser eg fann på Stoff og Stil. Så får me sjå kor mykje strikkeri varmen (og mannen?) tillet ;-)

Korleis få sola til å skinne på ein gråværsdag...

2010-07-20T22:27:00.000+02:00

Kjøpe nytt garn, såklart! Deilig, mjukt alpakkagarn. Lykke!

Ekstra kjekt er det sidan eg har vore på jakt etter det perfekte garnet til ein brudebolero (ja, eg skal gifte meg, tjoho!). Trur eg har funne det no, nemlig babyalpakka frå BC Garn (danskane kan det der med garn, har eg inntrykk av).

Utfordringa no er å finne det perfekte mønsteret. Har funne ein kraftig inspirasjon i denne, men her finnes diverre ingen oppskrift. Så no leitar eg litt etter eit liknande holmønster, som eg på eit vis kan bruke i ein slags bolero. Nokon som har forslag? Tek i mot alt med stor takksemd.

Får vente med morgondagen med å byrje å nøste saman hespene. Noko seier meg at om eg byrjar no blir det smått med nattesøvnen i natt, strikking kan verkeleg være altoppslukande ;-)

Laaaang pause, gitt!

2010-07-16T22:18:00.000+02:00

Meir eller mindre ufrivilleg. April og mai gjekk bort i eksamen - lesing, skriving, pugging, og lite strikking. Så kom sumaren, og bloggen blei litt gløymt. Slik er det ;)
Har strikka eit par prosjekt sidan sist, blant anna denne søte saken frå Tora Frøseth.

Tora Frøseth lagar slike fine oppskrifter til søte småttisar, og denne er ingen unntak. Kan absolutt anbefale hennar oppskrifter, dei er lett forståelege og gir fine sluttresultat (utan at eg skal skryte alt for mykje av mine eigne strikkeeigenskapar) ;)

Garn: Inka Alpakka (gåve frå ei god venninne)
Pinner: rundpinne nr 3
Oppskrift: Magda av Tora Frøseth

Ein topp med eit nostalgisk preg, syntes det var litt sånn retropreg over mønsteret. Og for ein glede dette var å strikke! Klarte knapt å legge det frå meg. Toppen skulle jo eigentleg bli ein kjole, men garnet sprang frå meg, gitt (enda eg strikka så det rauk av pinnane mot slutten). Syns i grunn ikkje det gjorde noko, så blir det eit plagg ein kan bruka både til skjørt og bukse.

Kjekt mønster å strikke, oppskrifta var lett å forstå, med enkle repetisjonar. Eg sluttar aldri å bli imponert over folk som klarar å komponere slike fine mønster! Det som verkeleg gjorde toppen/kjolen ekstra spesiell var dei søte puffarmane.

Eg trur eg har funne ein ny favoritt i garnet, har aldri strikka med det før, men det var mjukt og godt, og fint å strikke med. Minna i grunn litt om Drops sin alpakkatråd, men det er vel ørlite grann tynnare om eg ikkje tar heilt feil. Uansett, eit fint garn (så tusen takk Ane Victoria, du er best!)

Minien var ikkje særleg interessert i å legge seg ned slik at ho mor kunne ta bilete av toppen framme. Forstår ho jo godt, har endeleg klart å reise seg og så skal ho ned på golvet igjen? Mor kan være ganske rar. Det er iallfall ein knapp framme, skulle gjerne hatt ein meir dekorativ knapp, men ein perlemorknapp var alt som fantes i huset på det tidspunktet - og man tager hva man haver ;)

Sjukdom og sjølvmedlidenhet

2010-04-08T21:49:00.000+02:00

Snufs, kor synd eg synes på meg sjølv. Sjuk - forkjølt, feber og eitt stort opphovna auge (ja, berre det eine! Augekatarr på veg...?). Har ikkje ein gong energi til å strikke, og er ganske så sur om dagen...

Monsterbuksa blei ferdig i påsken, og mykje brukt på hyttetur på Vågslid. Elles held eg på med ein bolero frå Pickles, i dette garnet (herleg mjukt! Pickles er no på favorittlista, dei har fått inn eit nytt bomullsgarn som eg også har planar om å prøve). Har også ein tunika til mini 2 på pinnane, fekk nemleg ein forsinka bursdagspresang frå ei knallgod venninne - to nøster Inca Alpakka garn, dette oppskriftsheftet og rundpinne nr 3. For ein fantastisk presang!

Skal få lagt ut bilete når formen er betre. Tenk å ikkje eingong orke å strikke, jaiks! (Eg likar å synes ein heil del synd å meg sjølv når eg er sjuk) ;-)

På pinnen: Sjokolademonster

2010-03-26T21:11:00.000+01:00

Garn: Babyull frå Europris (?), og Baby Merino frå Nille
Pinner: Rundpinne og strømpepinne nr 4
Oppskrift: Ordentlige bleier si monsterbukse

Lenge har eg tråla nettet etter favorittoppskrift på ei slik tøff monsterbukse som er blitt så populær. Og no trur eg jammen eg har funne min favoritt!

Monsteret mitt manglar endo ein fot, og sjølvsagt auger og tenner. Målet er å bli ferdig i kveld (ambisiøs, som alltid. Muleg eg må utsetja denne fristen til i morgon...). Den skal hvertfall brukast på hyttetur til Vågslid i påsken, der det endo er snø og den deilige våren ikkje har gjort sitt inntog. Strikkar buksa ekstra stor, i håp om at den skal passe til hausten når mini 2 skal byrje i barnehage.

Garnet er ein god blanding Europris og Nille. Babyulla frå Europris var noko eg hadde liggande i strikkeskåpet, og skal ikkje havna på mine pinnar til noko så stort igjen (denne haugen er no dedikert til dukkeklær). Det var jaggu rett før eg pådrog meg senebetennelse, og slik styggedom vil eg no ikkje ha i hus ;) Syns rett og slett dette garnet glei dårleg på trepinnane, muleg det fungerer betre på vanlege pinnar. Baby Merino frå Nille var mykje betre, mjukt og fint. Det er for øvrig strikka i dobbel tråd, litt for at buksa skal bli tjukk og god (og lettare å brodera på, har eg høyrt?), og litt fordi det skulle gå ekstra kjapt å få monsteret ferdig ;)

Om du vil strikke ei slik herleg monsterbukse, vil eg anbefale å kikke innom desse sidene for inspirasjon, mange tøffe variantar her!

No er det godkveld, med litt raudt i vinglaset og strikketøyet i nevane. God helg!

Å strikke to sokkar på ein gong: Magic Loop

2010-03-25T10:38:00.000+01:00

Ikkje lett å sjå at dette skal bli sokkar, nei... Er endo litt usikker kva eg synes om denne måten å strikke sokkar på, men må sei tanken på å bli ferdig med begge på ein gong freistar veldig. Eg har vel ikkje heilt komen inn i flyten med å strikke begge to på ein kjempelang rundpinne, og synes det er litt mykje trådar og pinnar og rundpinnebogar i omløp (litt "krongle" for å seie det på godt bygdanorsk) ;)
Men, eg skal ikkje gje meg, og er overbevist over at eg vil vera nøgd når sokkane først blir ferdig. Ser forresten at strikket blir mykje jamnare enn kva det blir når eg strikk med vanlege strømpepinnar.

Uansett, her er eit par gode lenkjer som viser metoden i praksis. Vil anbefala filmen, den hjalp meg med å forstå heile konseptet (som virka veldig avansert før eg klarte å sette meg inn i det heile).

Vil forresten anbefale å bruke eitt nøste om gangen om du skal strikke på denne måten (altså, brukar begge endane av nøstet). Det blei mykje å halda styr på for ein stakkar nybegynnar når eg prøvde meg med to forskjellige nøster på ein gang.

Har forresten bestilt meg garn frå Pickles! Eit kjempedeilig tjukt og luftig garn, i herleg ferskenrosa farge (min favoritt når det vårast). Skal prøve å få lagt ut bilete i morgon, nett no er det ubehageleg travelt, med oppgåveinnlevering og det som høyrer til. Irriterande kor tidkrevande denne studenttilværinga er, får jo knapt tid til å strikke jo! ;)

Endeleg ferdig!

2010-03-11T13:00:00.000+01:00

Den japanske vesten er tatt av pinnane, og denne var langdryg! Ikkje fordi oppskrifta var særskilt vanskeleg, det gjekk vel meir på at eg var i frykteleg tvil om eg i det heile tatt likte fargen, garnet eller modellen. Så derfor blei den liggandes i strikkeskåpet i akk, så altfor lang tid. Når eg omsider fekk gjort den ferdig, festa tråder og sydd i knappar, så var ikkje resultatet så aller verst likevel. Framleis usikker på fargen, men men, den passar fint med med yndlingsfargen i huset, nemlig lilla. Og vips så blei mini nr 2 eit ekte "jordnært naturbarn!" ;-) Blir iallefall eit greit kvardagsplagg dette.

Armhola på denne vesten var i minste laget, så det spørs kor lenge herligheten passar. Litt merkeleg oppskrift sånn sett, så om eg skal strikka denne igjen så trur eg at eg skal gjere litt forandringar. Ellers var vesten lettstrikka (om du ser bort frå alle dei vekene i skåpet då...), og utan montering, noko som alltid er ein bonus i mitt tilfelle!

Knesokker til baby

2010-03-02T20:29:00.000+01:00

Garn: Tynn alpakka frå Du store alpakka
Pinner: Strømpepinner nr 2.5
Oppskrift: Super Baby's knee highs

Nyaste tilskotet i babystrikket, desse søte knesokkane som er ei litt modifisert utgåve av den opprinnelege oppskrifta, som jo er for 3 månader (dog litt stor 3 månaders baby, spør du meg). Eg strikka desse litt lenger, både i skaftet og sjølve foten. Hadde eg strikka den på nytt no, hadde eg kutta eit par fellingar i skaftet, desse blei nemlig veldig smale i foten til min 10 mnd gamle mini. Eg har også "dekorert" sokken litt med å strikka enkel perlestrikk over dei 10 midterste maskene frampå foten.

Eg er ikkje særleg bevandra i sokkestrikking, og har alltid hatt stor respekt for bestemor som strikkar sokkar på løpande band. Det er denne hælen eg synes er frykteleg skummel, men no har eg prøvd eit par variantar, og trur eg har funne meg ein favoritt i denne. Eg håpar at øving skal gjera meg til mester (iallfall mester-liknande?). Minien verka iallfall veldig nøgd med sine sokkar, og syns sjølvsagt det er veldig spanande når ho mor skal ta bilete av fotane, miniar er kjekke sånn!

Eg har også strikka ein anna variant av denne sokken, då minien var heilt ny. Desse også litt modifisert i forhold til oppskrifta, strikka i Nøstebarn sitt to-tråds merinogarn, på pinne nr 2.5. Her strikka eg heile sokken i dobbel perlestrikk, og prøvde meg på denne hælen.

Hold varmen rundt armen

2010-03-01T22:13:00.000+01:00

Det er travle tider i heimen, og det er ei lita stund si forrige blogginnlegg. Pulsvarmarane har vore ferdig ei vekes tid no, og allereie godt brukt. Elskar slike småplagg!

Oppskrifta var veldig grei, og desse blei unnagjort på ei helg. Eg strikka fire mønsteromgangar (framfor seks, som står i oppskrifta), og med pinnenr 3. Planen var eigentleg å strikka dei på 2,5, som er anbefalt for garnet, men eg har visst vore halvveis i strikkekoma då eg fant fram pinnane, for godt uti andre vanten såg eg at det var nr 3. Ups!

Slenger med eit bilete og tips til oppskrift av nokre pulsvarmarar eg hekla for ein god del år sidan.

Dette mønsteret er frå Drops, det same er garnet (alpakka). Mjuke og gode (og ikkje minst varme!). Hekla rundt, framfor i eitt stykke som står i oppskrifta.

På pinnen: Pulsvarmere

2010-02-19T11:27:00.000+01:00

Garn: Navia
Pinner: nr 2 1/2
Oppskrift: pinnehobby.blogspot.com, Ravelry

Eg har registrert meg på strikkeforumet Uformelt, og no driv eg å kikkar innom og prøvar å gjere meg kjent. Har til og med meldt meg på ein "sokkealong" (ny oppskrift på sokkar kvar måned). Uansett, fann lenke til denne oppskrifta i ein "tilbehørsalong", kjempefint! Så no har eg satt den på pinnen!

Garnet var noko mi kjære mor donerte til meg, og det har ligge ei stund i strikkeskapet utan at eg ikkje heilt har funne ut kva eg skal bruke til. Det er ei ullblanding av Færøysk ull, Shetlandsull og Australsk lammeull. Kjempedeilig!

Denne oppskrifta er kjempeenkel, men likevel så fin. For å gjera pulsvarmarane ekstra spesielle strikkar eg inn perler i kanten mot mønsteret. Det einaste vanskelege med dette er at garnet likte særs dårleg å få ein haug med perler tredd innpå seg, så det er litt "tungt" å dra dei nedover nøstet. Men alt går med litt tålmod! Av ein eller anna grunn fekk eg for meg at eg ville ha ekstra lange pulsvarmarar, så eg har lagt opp 70 masker framfor 30, som står i oppskrifta (kanskje litt vel langt men, time will show). Spent på resultatet!

Anbefaling: Pickles

2010-02-16T20:34:00.000+01:00

Er nok sikkert kjent for dei fleste, men vil likevel slenge inn ein anbefaling på denne fantastiske bloggen/nettbutikken. Eg har endå ikkje fått kjøpt garn der ifrå, men har store planar om strikke denne herlege boleroen, og då skal eg også prøve meg på garnet som Pickles sel. Elles har dei også mange fine oppskrifter til store og små. Ei side absolutt verdt ein kikk!

Fionas top

2010-02-15T10:50:00.000+01:00

Garn: Nøstebarns merino lammeull, 1 hespe (100 gr)
Pinner: rundpinne nr 2 1/2 og 3
Str: 4 år
Oppskrift: Sanne Bjerregaard

Denne oppskrifta fann eg på Ravelry, og fall pladask. Noko så yndig!
Bestemte meg raskt for strikka den til mini nr 1. Mønsteret var greitt å følge, men trengte litt konsentrasjon før ein kom inn i flyten. Uansett, ein topp som er ei prinsesse verdig!

Morsdag er ein god dag

2010-02-14T21:37:00.000+01:00

Gratulera til alle fantastiske mødre der ute!
Blei til og med ferdig med lua eg strikka i presang til meg sjølv, og blei ganske så nøgd.

Tøfler / booties til baby

2010-02-13T10:58:00.000+01:00

Eg har nett blitt tante til ei lita prinsesse, og kva er vel betre barselpresang enn heimelaga tøflar? Denne oppskrifta er kjempelett å strikke, og heilt etter min smak, med tanke på at dei ikkje treng montering (sying er ikkje mi sterkaste side).

Oppskrifta fann eg på bloggen Lilleducks sirkler, og eg strikka det med Nøstegarn sitt merino lammeull (har ein del restegarn av det liggandes, det er eit kjempedrøyt garn!) på strømpepinne 3. Desse tøflane er kjempegode, dei sitt godt på foten til aktive små babyar. Eg har "modifisert" oppskrifta litt, ved å strikke skaftet dobbelt så langt, og ha hullrad både oppe og nede, for så å brette ned skaftet og tre silkebåndet gjennom begge hullradene. Eigentleg kun for variasjon for min eigen del, dette er ei oppskrift eg har strikka mange tøflar av!

Ei anna oppskrift på slike tøflar finn du også på bloggen Ullent Eventyr, desse er også kjemperaske å strikke! Denne treng litt sying, men ikkje meir enn at til og med eg klara det. No er det dessutan også lagt ut oppskrift på korleis du finast kan sy tøffelen saman.

Desse strikka eg til ei venninne av meg då ho fekk prinsessa si på denne tida i fjor. Garnet eg brukte var eit type superwash-garn frå Nille, og som ein liten dekordetalj hekla eg på ein liten rosa blomst. Denne tøffelen er også kjempegod på foten, og det som er praktisk med desse rillestrikka tøflane er at dei veks med foten, så den vesle kan bruka dei lenge.

På pinnen: Lue til ho mor sjølv

2010-02-12T23:19:00.000+01:00

Garn: Drops Alpakka
Pinner: strømpepinner nr 3 og 4
Oppskrift: Judith sin strikkeblogg

Burde vel vite betre enn å starte på eit nytt prosjekt før eg har fullført det eg allereie held på med, men av og til treng ein jo litt forandring? Eg har lenge hatt lyst på ei litt finare lue å pryde toppen med no i vinterkulda, og i min søken etter andre strikkebloggar kom eg over denne oppskrifta. Så kva passar vel betre enn å strikke ein morsdagspresang til seg sjølv? Blir i tillegg kvitt litt restegarn (den haugen som aldri vert mindre...), det er jo alltid ein bonus!

På pinnen: Japansk vest til baby

2010-02-12T08:13:00.000+01:00

Garn: Nøstebarns 2-tråds Merino lammeull
Pinnestr: nr 3
Str: Ca 1 år
Oppskrift: witch's knitting room

Hadde eit grønt hespe med Nøstebarn sitt merino garn liggandes, og sidan det garnet er altfor godt til å ligge i skapet, måtte eg finne meg noko å strikke av det. Kom over ein søt vest då eg leita gjennom oppskrifter på Ravelry. Den er laga av ei dame i Japan, oversatt til engelsk (bra, sidan japansken min er litt rusten, ha ha).

Oppskrifta har ingen fast størrelse, litt finurleg, men du kan justere størrelsen etter strikkefastheita. Eg har komen fram til at med Nøstebarn-garnet og pinne nr 3, blir det ca størrelse 1 år. Perfekt til mini nr 2!

Sidan eg vil ha vesten meir som ein tunika, har eg valgt å strikke den rundt (i stadanfor åpning heilt ned, som ein korterma jakke, slik det står i oppskrifta). Nederst vil eg ha ribbekant, med splitt i sidene. Gledar meg til å få den på prinsessa!

Strikking er gøy!

2010-02-12T00:24:00.001+01:00

Og på grunn av min lidenskap for denne hobbyen, kastar eg meg på bloggbølga, og startar min heilt egen strikkeblogg. Her vil eg gjerne dele mine mange, mange strikkeprosjekter, ofte strikka på bakgrunn av oppskrifter funne på nettet. Det er ein heil skokk av knall oppskrifter der ute! Kan forresten tipse om Ravelry, ein slags sosial nettstad for oss strikkarar. Her fins det mange artige funksjoner, og mange gode oppskrifter å søke i.

Eg held for tida på med ein vest til mini nr 2, men det er seint, og klokka seier eg må legga meg, så eg får posta bileter og meir info i morgen. Litt av ein start på bloggkarrieren?!

God natt til alle mine framtidige lesarar, måtte natta bli fin!